புத்தகப் பிரியன்: "புதிய ஜனநாயகம்" செப் 2007 இதழ்

சி.பி.எம்-இன் இரட்டை நாக்கு
- தலையங்கம்

அந்நிய நாடுகளுடனான ஒப்பந்தங்கள் எதுவும் நாடாளுமன்ற அங்கீகாரத்தைப் பெறத் தேவையில்லை. அரசி நிர்வாக அதிகாரங்களில் தலையிடும் அதிகாரம் நாடாளுமன்றத்திற்குக் கிடையாது. அவை நாடாளுமன்ற ஒப்புதலுக்குப் பிறகுதான் அமலாக்கப்பட வேண்டும் என்கிற தடையுமில்லை. இந்தப் போலி ஜனநாயகத்தின் மூலம் புரட்சி நடத்துவதாகக் கூறும் போலி கம்யூனிஸ்டுகள் தலையில்லாத முண்டங்கள் தவிர வேறென்ன?

அணுசக்தி ஒப்பந்தம்:அம்மணமானது 'தேசியம்' !

இந்திய நாடாளுமன்ற அமைப்பு முறையைக் கவிழ்க்காமல் அமெரிக்க அடிமைத்தனத்தை முடிவுக்கு கொண்டு வர முடியாது. ஆனால் போலி கம்யூனிஸ்டுகளோ, மன்மோகன் சிங் அரசைக் கவிழ்ப்பதற்குக் கூடத் தயாராக இல்லை.

மறுகாலனியாதிக்க அடிமைத்தனத்தின் கோரமான உச்சகட்டம்தான் இந்த அணுசக்தி ஒப்பந்தமும், இந்திய - அமெரிக்க இராணுவ ஒப்பந்தமும். நமது விளைநிலங்களை, சிறுதொழில் களை, பொதுத்துறை நிறுவனங்களைக் காவு வாங்கிய மறுகாலனியாதிக்கம், அணுசக்தி ஒப்பந்தத்தின் மூலம் நாட்டின் மானத்தையும் பெயரளவு இறையாண்மையையும் கூடத் காவு கேட்கிறது. இந்த அடிமைத்தனம் "வளர்ச்சி" என்ற பெயரில் நியாயப்படுத்தப்படுவதும், அதை உழைக்கும் மக்கள் மெளனமாக சகித்துக் கொண்டிருப்பதும் மிகப்பெரும் அவமானம் மட்டுமல்ல; அபாயமும்கூட !

கோவை -மும்பய் குண்டு வெடிப்பு தீர்ப்புகள்:

நவீன மனுநீதி!

"ஒரு இந்து ஏதாவது செய்து விட்டால் விசாரனைக் கமிசன் அமைக்கப்படுகிறது; ஆனால் ஒரு முசுலீம் ஏதாவது செய்துவிட்டால், அவன் தூக்கில் போடப்படுகிறான்."

- மும்பைக் குண்டு வெடிப்பு வழக்கில் குற்றம் சாட்டப்பட்டிருந்த ஜாகீர் உசைனுக்குத் தண்டனை அறிவிக்கப்பட்டவுடன், அத்தண்டனை குறித்து அவர் பத்திரிகையாளர்களிடம் சொன்ன கருத்து இது. இதனை வெறுப்பில் விழைந்த வசவாக எடுத்துக் கொள்ள முடியாது. மும்பய் மற்றும் கோவை குண்டு வெடிப்பு வழக்குகளில் விசாரணை நடைபெற்று தீர்ப்பு அறிவிக்கப்பட்ட விதத்தையும்; மும்பய் மற்றும் கோவை கலவர சம்பவங்களில் பாதிக்கப்பட்டவர்கள் முசுலீம்கள் என்பதாலேயே ,அவ்வழக்குகளில் நீதி மறுக்கப்பட்டு விடுவதையும் ஒப்பிட்டுப்பார்த்தால், ஜாகீர் உசேனின் விமர்சனத்தில் உள்ள நியாய்த்தை எவரும் மறுத்துவிட முடியாது.

டாடாவின் டைட்டானியம் ஆலை:

மண்ணைப் பறித்து முன்னேற்றமா?

வைகுண்டராஜன் செய்து வந்த வேலையை அரசாங்கமே இப்போது, டாடா செய்வதற்கு அனுமதி வழங்கியுள்ளது. இதனால் ஏற்கெனவே வறண்டு பாலைவனம் போலுள்ள அந்த தேரிக்காட்டுப் பகுதி முற்றிலும் பாலைவனமாகி, மக்கள் வசிப்பதற்கும் கூட பயனற்றதாக மாறுகின்ற அபாயமே உள்ளது.

டாடா நிறுவனம் கூறுவது வெறும் 7 மீட்டருடன் மண்ணள்ளுவது நிற்காது. அதற்கும் மேலாக 20,25 மீட்டர் ஆழம் கூட மணல் அள்ளும் அபாயமுள்ளது. இதனால் சுற்று வட்டாரப் பகுதிகளில் மொத்த நிலத்தடி நீருமே காணாமற் போய், கிராமங்களையே மக்கள் காலி செய்ய வேண்டிய மிகப்பெரும் அபாயம் உள்ளது.

மேலும்