ஒரு பொருளாதார அடியாளின் ஒப்புதல் வாக்குமூலம்

உலகமயமாக்கல், தாராளமயமாக்கல், அன்னிய மூலதனம் என்ற கூச்சல் நம் செவிப்பறைகளைக் கிழித்துக் கொண்டுருக்கும் நேரம் இது. அன்னிய மூலதனமும், பன்னாட்டு நிறுவனங்களும் சிறப்புப் பொருளாதார மண்டலங்களும் சொர்க்கத்தை பரத கண்டத்திற்கு இறக்குமதி செய்துவிடும் என்று நம்மை நம்ப வைக்க ஊடகங்கள் ஒன்றைக் காலில் தவமியற்றிக் கொண்டிருக்கின்றன.

இந்த வெற்றுக் கூச்சலில் பன்னாட்டு நிறுவனங்களிடம் சகலத்தையும் இழந்துவிட்டு பெருநகரங்களின் நடைபாதைகளில் ஐக்கியமாகியிருக்கும் ஏழை மக்களின் குரல் நமது காதுகளில் நுழைவதேயில்லை. எப்போதாவது இந்தக் காட்சிகள் நம்து மனச்சாட்சியை லேசாக உரசிப் பார்த்தாலும் அன்னிய மூலதனம் அத்தனை பிரச்சினைகளையும் தீர்த்து விடுமென்ற ஊடகங்கள் பரப்பும் மாயை நம் உள்ளங்களை திரைபோட்டு மறைத்துவிடுகிறது.

புஷ்ஷை ஆக்கிரப்பாளனாகப் பார்த்தாலும் பில் கேட்ஸை மனித உழைப்பின், அறிவின் சின்னமாகப் பார்க்கும் போக்குதான் நிலவி வருகிறது. அமெரிக்க அரசு நடத்தும் படுகொலைகளுக்கும், சதி வேலைகளுக்கும் பன்னாட்டு நிறுவனங்களுக்கும் இடைவெளி இருப்பதாகவே, இவையிரண்டும் வேறு வேறு என்றே சராசரி இந்தியன், தமிழன், மலையாளி வங்காளி....நம்ப வைக்கப் பட்டுள்ளான்.

ஜான் பெர்க்கின்ஸின் இந்நூல் அந்த மாயையைத் தகர்க்கிறது. அமெரிக்க அரசும் , பன்னாட்டு நிறுவனங்களும், பன்னாட்டு நிதி நிறுவனங்களும் எப்படி இரண்டறக் கலந்துள்ளன என்பதைப் பற்றி விரிவாக பேசுகிறது இந்நூல்.

ஜான் பெர்க்கின்ஸ்

----------------------------------
தமிழில்: இரா. முருகவேள்

விடியல் பதிப்பகம்

விலை ரூ 150

கிடைக்குமிடம்

----------------------------------
கீழைக்காற்று

10,அவுலியா சாகிபு தெரு,

எல்லீசு சாலை,சென்னை 2.
தொலைபேசி எண் : 044-28412367