"குடும்பம், தனிச்சொத்து, அரசு ஆகியவற்றின் தோற்றம்" - எங்கெல்ஸ்

மனித வரலாற்றில் முதலாளித்துவத்துக்கு முந்திய கட்டத்தை ஆராயும் போது இயக்கவியல் பொருள்முதல்வாதத்தின் அடிப்படையான கோட்பாடுகளை முழுமையாகக் கையாள முடியும் என்று "குடும்பம், தனிச்சொத்து, அரசு ஆகியவற்றின் தோற்றம்" நூல் நன்கு நிரூபித்திருக்கிறது. கம்யூனிசத்துக்கு முந்திய சமூக- பொருளாதார அமைப்புக்குப் பொருந்துகின்ற வளர்ச்சி விதிகள் பண்டைய சமூகத்துக்கும் பொருந்துகின்றன என்று உலக விஞ்ஞானத்தில் முதன்முதலில் எடுத்துக் காட்டியவர் எங்கெல்ஸ்.

குறிப்பாக, பண்டைய வரலாறு மற்றும் முதலாளித்துவத்துக்கு முந்திய சமூக அமைப்புகளில் உற்பத்திச் சக்திகளுக்கும் உற்பத்தி உறவுகளுக்கும் இடையில் கூர்மையான முரண்பாடுகள் இருக்கின்றன, எந்த சமூகப் பிரிவுகள், குழுக்களின் அடிப்படையான பொருளாயத நலன்கள் மோதுகின்றனவோ அந்தப் பிரிவுகள், குழுக்களுக்கு இடையில் போராட்டம் நடைபெறுகிறது. முடிவில் பூர்விகச் சமூக பொருளாதார அமைப்பை வர்க்க-பகைமுரண்பாட்டு சமூகத்தின் ஏதாவதொரு வடிவம் - அடிமையுடைமை சமூகம் ( கிரேக்கர்கள், ரோமானியர்கள்) அல்லது நிலப்பிரபுத்துவ சமூகம் (ஜெர்மனியர்கள்) அகற்றுவதற்கு சமூகப் புரட்சி சாதனமாயிற்று.

நவீன மார்க்சிய வரலாற்று விஞ்ஞானம், பண்டைக்கால வரலாற்றுக் துறையில் எங்கெல்சினுடைய படைப்பாற்றல் மிக்க பாரம்பரியத்தை ஆதாரமாகக் கொண்டு அவர் சுட்டிக்காட்டிய பாதையில் வளர்ச்சியடைந்து கொண்டிருக்கிறது; புதிய ஆராய்ச்சி முறை களின் தோற்றத்தினால் அதன் வளர்ச்சியில் ஏற்படுகின்ற திருப்புமுனையில் அது அவருடைய தத்துவப் பாரம்பரியத்துக்கு மீண்டும் மீண்டும் திருப்புகிறது. பூர்விக சமூகத்தின் சாராம்சத்தைப் பற்றியும் வர்க்க - பகைமுரண்பாட்டு சமூக அமைப்புகளை நோக்கிய அதன் வளர்ச்சியின் விதிகளைப் நோக்கிய அதன் வளர்ச்சியின் விதிகளைப் பற்றியும் மார்க்சிய மூலவர்கள் உருவாக்கிய தத்துவத்தின் அடிப்படைக் கோட்பாடுகளை வரலாற்றாசிரியர்கள் இன்று திரட்டியுள்ள விவரங்கள் நிரூபிக்கின்றன. குறிப்பிட்ட யுகங்கள், கலாச்சார வரலாற்றின் பொது விதிகளின் செயல்பாட்டை அதிகமான விவரங்களுடன் விரித்துக் கூறுவதை இத்தத்துவம் சாத்தியமாக்குகிறது.

இந்த அர்த்தத்தில் எங்கெல்சின் தத்துவப் பாரம்பரியம் அதன் முழுப் பொருத்தத்தையும் கொண்டிருக்கிறது; "குடும்பம், தனிச்சொத்து, அரசு ஆகியவற்றின் தோற்றம்" என்ற அவருடைய நூல் பண்டைய வரலாற்றின் முக்கியமான பிரச்சினைகளைப் பற்றிய மெய்யான இயக்கவியல் பகுப்பாய்வுக்கு மூலச்சிறப்பான உதாரணமாக இருக்கிறது.

வெளியீடு
..
முன்னேற்றப் பதிப்பகம்,.
மாஸ்கோ

"இயற்கையின் இயக்க இயல்" - எங்கெல்ஸ்

பிரெடெரிக் எங்கெல்ஸின் கூடுதலான முக்கியத்துவம் வாய்ந்த படைப்புகளில் ஒன்று, "இயற்கையின் இயக்கவியல்". பத்தென்பதாவது நூற்றாண்டின் நடுப்பகுதியில் இருந்த இயற்கை விஞ்ஞானங்களின் பிரதானச் சாதனைகளைப் பற்றி இயக்க இயல் பொருள்முதல்வாத ரீதியில் அமைந்த ஒரு பொதுவுரையை அது அளிக்கிறது; பொருள்முதல்வாத இயக்க இயலை அது வளர்க்கிறது; இயற்கை விஞ்ஞானத்தில் இருந்த இயக்க மறுப்பியல் ரீதியானதும் கருத்துமுதல்வாத ரீதியானதுமான கண்ணோட்டங்களை அது விமர்சிக்கிறது.

வெளியீடு
மாஸ்கோ

"கற்பனாவாத சோஷலிசமும் விஞ்ஞான சோஷலிசமும்" - எங்கெல்ஸ்

கற்பனாவாத சோஷலிசமும் விஞ்ஞான சோஷலிசமும் எனும் நூல் "டூரிங்குக்கு மறுப்பு" என்னும் நூலின் மூன்று அத்தியாயங்களைக் கொண்டதாகும்; தொழிலாளர்களுக்கு ஒருங்கிணைந்த உலகக் கண்ணோட்டம் என்ற முறையில் மார்க்சிய போதனையை எளிமையான முறையில் விளக்கி எழுத வேண்டுமென்பதற்காக பி.எங்கெல்ஸ் இந்த அத்தியாயங்களைத் திருத்தி எழுதினார்.

அவர் மார்க்சியத்தின் மூன்று உட்பகுதிகளை இந்நூலில் விளக்குகிறார். இயக்கியல் மற்றும் வராலாற்றுப் பொருள்முதல்வாதம் எப்படித் தோன்றியது என்பதை விளக்குவதுடன் மார்க்சினுடைய இரண்டு மாபெரும் கண்டுபிடிப்புகள் -வரலாற்றுப் பொருள்முதல்வாதத்தை விரிந்துரைத்தல் மற்றும் உபரி மதிப்புத் தத்துவத்தைக் கண்டுபிடித்தது - சோசலிசத்துக்கு விஞ்ஞான அடிப்படையாகக் கொடுத்தன என்று எடுத்துக் காட்டுகிறார்.

..
கற்பனாவாத சோஷலிசத்துக்கும் விஞ்ஞான சோஷலிசத்துக்கும் இடையிலுள்ள அடிப்படையான வேறு பாட்டைச் சுட்டிக்காட்டி வரலாற்றில் கற்பனாவாத சோஷலிசத்தின் பாத்திரத்தையும் குறைகளையும் விளக்கிய பிறகு எங்கெல்ஸ் விஞ்ஞான சோசஷலிசத்தின் தோற்றுவாய்களை சுட்டிக்காட்டுகிறார்.

முதலாளித்துவத்தின் பிரதான முரண்பாடு உற்பத்தியின் சமூகத் தன்மைக்கும் தனியார் சுவீகரிப்பு முறைக்கும் இடையிலுள்ள முரண்பாடு ஆகும்; பாட்டாளி வர்க்கப் புரட்சியின் மூலமே அதை ஒழிக்க இயலும் எனபதை எங்கெல்ஸ் தன் நூலின் கடைசி அத்தியாயத்தில் நிரூபிக்கிறார்.

வெளியீடு

..

முன்னேற்றப் பதிப்பகம்,.

மாஸ்கோ

"பாரிஸ் கம்யூன்" -கா. மார்க்ஸ், பி.எங்கெல்ஸ்

1871 மார்ச் 18ந் தேதியன்று பாரிஸ் தொழிலாளர்கள் முதலாளி வர்க்க ஆட்சியாளர்களை அந்த நகரத்திலிருந்து வெளியே விரட்டிய பிறகு ஆட்சியதிகாரத்தைத் தாங்களே எடுத்துக் கொண்டார்கள். அது என்றைக்குமே மறக்க முடியாத ஒளிமிகுந்த சாதனையாகும்.

..

பத்து நாட்களுக்குப் பிறகு, மார்ச் 28ந் தேதியன்று உலகத்தின் முதல் பாட்டாளி வர்க்க அரசாகிய பாரிஸ் கம்யூனை அவர்கள் நிறுவினார்கள். அது முற்றிலும் புதிய ரகத்தைச் சேர்ந்தது. மக்களுக்காக மக்களால் நிர்வகிக்கப்படுவது. அதன் எல்லா சமூக, அரசியல் நடவடிக்கைகளுமே உழைக்கும் மக்களின் - எல்லாவற்றுக்கும் மேலாகத் தொழிலாளி வர்க்கத்தின் - நலன்களுக்காக எடுக்கப்பட்டன.

கம்யூன் 72 நாட்கள் இருந்த பிறகு, உள்நாட்டு மற்றும் வெளிநாட்டுப் பிற்போக்கு சக்திகளின் தாக்குதலை வீரமாக எதிர்த்த பிறகு வீழ்ச்சியடைந்தது. ஆனால் அதன் அனுபவமும் படிப்பினைகளும் உலகப் புரட்சிகர இயக்கத்தின் மீது மாபெரும் தாக்கத்தைக் கொண்டிருந்தன.

பாரிஸ் புரட்சி உலக முழுவதிலும் உணர்ச்சிகரமான எதிரொலியையும் பலமான சர்வதேச ஒருமைப்பாட்டு இயக்கத்தையும் ஏற்படுத்தியது. 1871ம் வருடத்தின் வசந்த காலத்திலும் கோடை காலத்திலும் கம்யூனை ஆதரித்தும் அதை நசுக்கியவர்கள் செய்த கொடுமைகளை எதிர்த்தும், தப்பி வந்த கம்யூனிவாதிகளை ஆதரித்தும் பிரிட்டன், ஜெர்மனி, பெல்ஜியம், அமெரிக்கா மற்றும் இதர நாடுகளில் தொழிலாளர்கள் மாபெரும் பொதுக் கூட்டங்களையும் ஆர்ப்பாட்டங்களையும் நடத்தினார்கள்.

விஞ்ஞான கம்யூனிசத்தின் மூலவர்களான கார்ல் மார்க்சும் பிரெடெரிக் எங்கெல்சும் தலைமை தாங்கிய உலகத்தின் முதல் வெகுஜனப் புரட்சிகரப் பாட்டாளி வர்க்க அமைப்பாகிய சர்வதேசத் தொழிலாளர் சங்கம் - முதலாம் அகிலம் - இந்த இயக்கத்தை நடத்தியது.

பாரிசில் நடைபெற்ற சம்பவங்களை மார்க்சும் எங்கெல்சும் நுணுக்கமாக கவனித்தார்கள். கம்யூனுடைய தலைவர்கலோடு நெருக்கமான உறவுகளை வைத்துக் கொண்டதோடு அவர்களுக்கு எல்லாவிதமான உதவிகளையும் செய்தார்கள். கம்யூன் வீழ்ச்சியடைந்த பொழுது வெளிநாடுகளுக்குத் தப்பி ஓடி வந்த கம்யூன் வீரர்களுக்கு ஆதரவளிப்பதற்கும் உதவி செய்வதற்கும் இயக்கம் நடத்தினார்கள்.

மார்க்சும் எங்கெல்சும் தங்களுடைய எழுத்துக்களிலும் கடிதங்களிலும் பாரிஸ் கம்யூன் சம்பந்தப் பட்ட நிகழ்ச்சிகளை நுணுக்கமாக ஆராய்ந்தார்கள், பாட்டளி வர்க்க சர்வாதிகாரத்துக்கு உலகின் முதல் முயற்சி என்ற விதத்தில் அதன் சாரத்தை எடுத்துக்காட்டினார்கள்.

இந்தப் புரட்சியின் மூலம் மார்க்ஸ் தனது தத்துவத்தின் நடைமுறையை மறுபரிசீலனை செய்து 1872 ஜீன் 24 தேதியில் வெளிவந்த "கம்யூனிஸ்ட் கட்சி அறிக்கை" யின் முன்னுரையில் "இனிமேல் பாட்டாளிவர்க்கம் நிலவுகின்ற முதலாளித்துவ அரசை அப்படியே கைப்பற்றி உபயோகிக்க முடியாது. இதனை தகர்த்து எறிந்து விட்டு தங்களுக்கான அரசை தாங்களே நிறுவ வேண்டும்" என்று முடிவு செய்கிறார்.

இந்நூலில் பாரிஸ் கம்யூனைப் பற்றி மார்க்சும் எங்கெல்சும் எழுதிய கட்டுரைகள், வேண்டுகோள்கள், தொழிலாளி வர்க்க இயக்கத்தின் அதிகார பூர்வமான ஆவணங்கள், சொற்பொழிவுகள், பல்வேறு பத்திரிகைகளில் வெளிவந்த அறிக்கைகள், கடிதங்கள் ஆகியவை இடம் பெற்றிருக்கின்றன.

.

கா. மார்க்ஸ், பி.எங்கெல்ஸ்

.

வெளியீடு

.
முன்னேற்றப் பதிப்பகம்,

.

மாஸ்கோ

பிரெடெரிக் எங்கெல்ஸ் - வி.இ.லெனின்

நாளும் வறுமையும்
நீளும் கொடுமையுங் கண்டு
பீதிக்குள்ளான தொழிலாளி வர்க்கத்தை
ஆளப் பிறந்தவன் நீயடா ! - இதை
யார் மறுப்பார் போராடடா !
என வாழப்பழக்கிய
மனித குலத்தின் இதயக்குரல்
மார்க்சும் , எங்கெல்சும்.

எங்கெல்சை அரசியல்ரீதியாக
அறிமுகம் செய்யும் இந்த நூல்
தொழிலாளி வர்க்கம்
தன்னைத்தானே அறிந்து கொள்ளவும்
தன்னைப் பற்றி உணர்ந்து கொள்ளவும்
உதவி செய்கிறது.

(இந்நூல் மாஸ்கோ முன்னேற்றப் பதிப்பகத்தால் வெளியிடப்பட்ட "மார்க்சையும் எங்கெல்சையும் பற்றிய நினைவுக் குறிப்புகள்" என்ற நூலின் ஒரு தலைப்பிலான பகுதியாகும்)

வெளியீடு & கிடைக்குமிடம்
.

கீழைக்காற்று

10,அவுலியா சாகிபு தெரு,

எல்லீசு சாலை,

சென்னை 2.

தொலைபேசி எண் : 044-28412367
..
விலை ரூ 6/